中空寶

前老細阿John今日忽然來Email，話上次去台灣時我買比佢既馬票手信中左3獎!!

咁嚴重？公司上唔到馬會網站，唯有交託人在街上既余經理去投注站check個派彩....頂，三獎係港幣$12500既惠康禮券!!

唔係掛，對個台灣人黎講，要咁多惠康禮券替死咩，Sogo coupon都話可以黎香港買個名牌比自己帶番去呀。雖然阿John好好人地話比晒我地個division annual dinner抽獎，但大拿拿皮幾野，呢d又係佢既luck，點可以要架？

我甚至好戇居地建議，幫佢買晒呢$12500 coupon，轉番cash比佢；唉，就算d coupon無expiry date，用黎買姨媽巾都睇怕用到我更年期都未用完......

都係Debbie醒目，摧阿John scan左d馬票我地幫佢再三核對；結果......其實佢係無中到既!!

得啖笑兼空歡喜一場，事緣佢比左d馬票令壽堂對，阿伯母話中三獎佢自己又唔再double check，結果擺左個小烏龍。好彩未courier d馬票黎香港，否則蝕本。

不過都好感激佢對我地既豪爽，想將全數獎金比晒我地抽獎。