買煲記

法國名牌La Creuset開倉，平時$2000+的煲以低過半價發售。答應朋友送隻比佢做結婚賀禮，平咁多，特地告半日假晨早去HK Regal排隊買。

哇哇哇，10am開始，9am到達就已經有條長龍等緊，而且仲要響門外乾蒸!!當中有一半係架婆，而且唔少係帶住個細路一齊排，佩服佩服。

遲左15分鐘開始，由側樓梯落到B2，一入到去大家就瘋狂到架上搶煲，好似唔駛錢咁。我既target，係22cm既圓形雙耳鍋，由$2638減至$950。幫同事買多隻之餘，唔差在買多隻送梁師奶。3隻加埋既重量，真係唔講得笑。唔少人帶埋菲佣去邊排邊free個阿Mom繼續揀，我已經算做買得少啦。

順手拿多隻瓦杯，$178減至$80。

好彩同事sponsor我一半的士錢，拿去坐地鐵應該會死得。