"給我票"

早上電腦部宣佈由下個月開始，所有local的電腦支援都外判了給HP，即係話有乜頭暈身熱，中毒down機，都要先raise個ticket去HP等佢安排邊個部門解決問題。最攪野既係，HP既helpdesk熱線，竟然遠在大連!!

雖然話當地有3位能操廣東話同事接電話，但遠水怎能遙控救近火，次次用remote access都得？而且將來有乜野要local set up，HP會盡量教我地自己做，即係話，將來個個既電腦自救竅門都會長進不少。

唉，大公司為左慳錢乜都嘗試outsource，連電腦部呢d咁影響民生既部門都唔放過。今日會議中，IT經理講得最多的就是，有甚麼事首先最緊要"給我票"(用國語唸)，即係叫我地打去大連Helpdesk raise a ticket。聽講大連既服務承諾，係生死尤關的urgent cases，一日之內會受理(只係受理，唔代表解決)，而且每raise一張ticket，問題解決與否，都會收到個服務survey，死未!!