選你所愛，愛你所選

記得以前Tom Hanks係一套電影裡講過，我地每一日都要作好多大大小小既決擇。

好似由每朝行入Starbucks, 望住個水牌揀今日飲邊種咖啡；甚至人生某一些重要決定例如工作，家庭，婚姻........

而每一次當我地有選擇既時候，多少都帶猶疑吧；視乎呢個選擇後果對我地人生既重要性。最唔好既係，選左之後，一遇上多少唔順心，就開始後悔：如果當初選另一條路，會否好些？

每個人，係人生既唔同階段，對事物既看法同喜好都有唔同。所以如果以現在既你，睇返三數年前自己所作既決定，一定會奇怪點解當初會咁揀。但呢個係以當時既你身邊既環境，及自身既智慧所做既選擇。十年後既自己，睇返今日我地所作所為，一樣未必認同。

做人都應該多向前看吧，因為今日所做既每一個決定，都可能帶我地行一條好唔同既路，看截然不同既風景。

選你所愛，愛你所選。