亡者彌撒

唔知今日係乜野特別日子，總之早兩個星期前梁師奶已經千叮萬囑放工要去坑口聖安德肋堂望彌撒。其實好似係年頭佢地keep住今年去世教友既相，幫ｄ亡者祈禱；宜家年尾就比返ｄ相比家人之類。




更唔明既係話彌撒前１小時唔應該食野。
我一見到梁師奶就問：又唔係手術前麻醉，點解要空肚？
梁師奶：領聖體前唔可以食野架麻！
我：但聖體係塊好薄既威化黎架咋喎，邊會飽肚咁誇呀？
梁師奶（氣）：聖體係天主既身體，你應該懺完悔至去領。你學道理佢地無教你既咩?
我：..............

記得細個做鋼牙妹既時候好怕領聖體。ｄ威化做既聖體遇口水即黐住我牙箍；又唔可以當眾撩佢出黎。含住ｄ無味既威化等佢溶！！

本來一個鐘可以比我元神出竅發吓白日夢。不過成日又企又坐，想呆耐ｄ都唔得！

我今年望既彌撒，應該多過過去10年既總和。