南記

成年多無去過，忽然好想食魚肉春卷同腩仔肉米線。

撩起條筋出銅鑼灣波斯富街隊左碗小辣既，再加多6條春卷外賣比梁師奶今晚試試。

其實南記香港仔同灣仔都有分店，但以前Gigi個妹阿菁帶我黎呢度極力推介魚肉春卷同勁入味腩仔肉，我印象中就只register左呢兩樣野同呢間分店。

就好似每次去上海，想去永和食茨飯同豆漿，都淨係識去南京路步行街嗰間一樣。呢樣野都幾似余經理咁死硬派。