大食漬

今晚比梁師奶飛，call左Connie出黎陪我食飯。Annie又臨時甩底，睇怕佢忙裝修已經一頭煙，近排都唔會泡頭架啦。

兩條女去左紅螞蟻。好似患左大食漬咁叫左3-4人份量既野，而又食得晒至得人驚：

牛油果海鮮龍蝦汁幼麵，冬菰腐竹酸菜米粉，生煎籮蔔糕，炒雜菌釀白玉瓜，再加個兩人份既薑汁疏乎里。

我都好佩服自己可以隊到咁多野。

話題成晚圍繞住身邊朋友既婚姻問題。真係我識既朋友中，只有兩對係結婚後無問題；呢個數字都幾discouraging。見到咁多唔開心既例子，邊個仲想結婚？