又要參與買樓

今次係梁師奶!!

話說細佬同條新女搬左出沙田住左一年左右，剛由Sony轉馬會做左3個月都無，咁又話買樓。

我個人覺得佢份人都未知呢份工做得長唔長，一陣嫌辛苦又話想quit；再唔係撩起條筋又話想返加拿大。加上呢條女雖然住埋，但都唔知係唔係穩定。上次個Maple拍左7年拖，買左新都城而家梁師奶住嗰度，結果都係一腳踏兩船，散埋拖兼搬埋走啦。以前Maple個阿媽住將軍澳就買呢度，家陣Sharon屋企住沙田又話買沙田......我真係驚梁大少換多幾次畫，要18區置業呀。

梁師奶成日話想ｄ仔女安居樂業，所以成日想幫細佬買樓。但如果佢份人唔定性，買樓係唔係害左佢呢？結果又係要幫佢收拾爛攤子。

睇黎未來我會繼續被逼參與呢個買樓行動。