無啦啦浮七件親戚出黎

話說梁師奶同阿姨，細舅父三個今日竟然去長沙灣天主教墳場拜山！唔係我平時拜開既爺爺，嫲嫲同堂大嫂，而係一次過搵到梁師奶自己既：外公，外婆，姨婆，大伯父，大伯娘，二伯父同二伯娘。

哇，大佬，呢堆親戚邊度浮出黎架? 我咁多年來只知道自己爺爺嫲嫲葬喺嗰度，點解會突然之間多左咁多我聞所未聞既親戚都係葬晒同一個墳場架？

最利害係佢地有本事去墳場管理處搵晒ｄ號碼，花幾粒鐘去逐個拜晒。

黎緊重陽節真係好大鑊，淨係長沙灣天主教墳場都3+7=10個，再加埋鑽石山既太嫲，同黃大仙藏法寺既二伯，點plan條route都起碼用多一倍時間不在話下，拎咁多札花都唔惦啦。

真係在生既親人買少見少，「祖先」就以一個更快既速度增長！