無人性

自從尋日倫敦Heathrow美國3間航空公司險受恐怖襲擊後，今日我地都不約而同諗起身在芝加哥，而又呢兩日會坐UA返香港既余經理！

同Martha講起，要整封Email比余經理，提佢早3小時出機場之餘，最緊要係部laptop家陣要寄倉，切記要用衫包住佢；唔係連公司唯一比較快既laptop都掟壞埋。

Martha：好心你真係關心吓自己同事好嗎？淨係顧住部電腦！

連YY都忍唔住電話中話：其實公司laptop事少，如果個人有事，咪仲賠得堅。36個月(人壽)+36個月(如果死於意外)呀！

我：係都係保險公司賠啫，入我P&L咩？

YY(比我激死)：咁如果佢有乜冬瓜豆腐，我地個個要自己囉錢做「人情」，咪仲傷過入公司P&L？！

有道理.....