洗塵+慶生

細佬馬會d放假時間好難就，終於都等到佢得閒過黎同阿姨&細舅父出街食餐飯洗塵；係咁意叫做幫我慶生。









地點係梁師奶樓下，新都城二期商場既「港灣」。同迎囍一樣，都係叫半份既６人套餐。但味道同鑊氣真係同迎囍差好遠。

細舅父喺西班牙南部Alicante開武館；應該係教d鬼仔詠春，跆拳道之類既野。兼有幫人做埋針灸。去左大大話話都成20年，娶過兩個西班牙舅母。最近又離婚，原因係呢個舅母Pina返兜舊情人。咁都唔算傷，最傷係要將辛辛苦苦積落既血汗錢分一半。

唉，我識得結左婚既人，無乜邊對真係開心。搵唔到自己個market，都唔知係好定唔好........

細佬比較似梁師奶嗰邊，我個樣就似Daddy。