幫Annie搬屋

唔經唔覺，Annie呢個新業主終於都搬入杏花邨新居喇。

答應左幫佢搬屋，佢近排公司轉team日日都收得夜，連野都執唔切。雖然由尋晚開始有少少低燒，啪粒Panadol就出門。

10點鐘去到太古城。入門口簡直一呆：原來我都真係唔算多雜物!

之前都曾經幫Annie執過兩次野搬屋，但佢ｄ雜物之多，真係一ｄ進步都無。我二話不說，一個箭步，就去書枱同個AV櫃幫佢甩ｄ電腦，錄影機，DVD機。哇，ｄ電線簡直糾纏不清，再加上勁多塵，真係無火燭都算好好彩囉。

最趣既係，阿伯母竟然喺ｄ咁一片混亂既情況下.......煲湯！我地每人隊左碗至繼續執。

搬運公司1pm就到。不停咁搬，都成3點至清場。廿多個紙皮箱，10數個祖國LV(紅白藍)，同多到你唔信既煲同碟。

我同Annie & Mona(佢以前Glaxo舊同事)立刻飛的去杏花邨。新居岩岩裝修完，放眼望去都係白色。連地磚都係純白，真係有ｄ少見。不過比之前光猛左係真既。

唔好講笑，由之前800幾呎3房，搬去600呎兩房，睇怕佢呢兩日unpack都有排扔。

我地3條女合力砌番兩個鐵既層架。叫左佢最緊要就係今晚舖到床單訓覺。咪慢慢執囉，頭幾日一定係咁杯盤狼藉feel架啦。

可登入我msn space度睇相：http://glorialeong.spaces.live.com/