阿四兼任三陪

答應今日帶個auditor Maggie去大佛同赤柱。

10點去到尖咀接個鬼婆坐的士去九龍站；轉東涌線，再坐23號昂平巴士去大佛。落車見到個佛都成12點。當然指定動作點都要陪佢行上去兜兩個轉，再落下面寶蓮寺求枝簽影吓相。

回程都費事徙咁多時間食野，拿拿臨響東涌食Delifrance。馬上坐返出香港站飛的入赤柱。


當然陪個鬼婆買野，少不免要比吓意見，兼幫佢提噤ｄ大包細包，等佢慢慢揀。買乜？又係ｄ民族風既衫，手袋 x 2，cushion cover， 木製wine holder，杯墊，pashimina shawl x 3，連發熱包包都大中細一set.......你話喇，寫都咁多，拎就可想而知有幾重！

回程的出去，本打算車佢過海返酒店，但舊隧超塞車。正當我擔心會趕唔切返出銅鑼灣睇戲，鬼婆好識做地話自己可以搭地鐵過海.......咁我當然唔同佢客氣，一腳伸佢落去地鐵啦。

全日行餐死，野又無點食，水都唔多滴；一定瘦。

鬼婆今日衣著超性感，比路姐有過之。真係想問佢個胸，到底有無G or H cup?????好似我個頭咁大呀，望都好有壓迫感。拍埋去簡直自卑添啦。