11小時嘔25頁

阿Keith星期五至話有個budget powerpoint唔記得叫我地做，今日做埋交比佢去present。

我今朝已經7點幾返到公司架啦。

頂!!!!中段開始，好多個chart都係一頁開三頁i.e. Centrum, Caltrate, Robitussin.....結果本來13頁既template，攪出個25頁黎！

我一整日埋頭埋腦，野都唔講多句。唔知點解當我好靜嗰日，成個office都好似特別靜。

其實本來marketing既強項......就係豬噏！即係一句說話，可以發到8-9句廢話，而其實都係得一句野既content。咁點解我呢個「資深」marketeer會為左廿幾業powerpoint，鬥爭足11個鐘？因為Keith比我更「資深」囉。太廢既野，我真係交唔出去。

6:45pm一按下個"Send"掣Email左比佢之後，唔比機會佢打黎問，立刻熄機，拉閘放狗。