遊車河

唔係自願，係比迫既。

亦都唔係d乜野靚仔司機，而係新巴既叔台！

話說朝早又同路姐響Starbucks隊杯啡，上去各自做埋body massage，自己由合和行過去灣仔道188商場搵多倫多竹昇表妹托我買既：足球小將VCD。(雖然我都唔明一場波踢幾集有乜好睇)

行埋集成附近幾間VCD舖，都無功而回。正打算好似以前放工咁，跳上架8號巴士返屋企之際，就係咁出事喇。

好地地見佢竟然由維園轉上東廊..........衰左!!幾時改道架大佬？！

我個人喺東廊度飛馳，個心就大聲疾呼：我要返屋企，比我響炮台山落車呀！！當然揸巴士既叔台唔會同我心靈相通，仍然一臉悠然咁載住我向柴灣進發。


由東廊，柴灣道，經東區醫院，再落柴灣地鐵站........足足徙左我大半粒鐘！頂，結果扁晒咀咁搭地鐵由柴灣返屋企。

簡直鑼爆！