烏龍放蛇

聽Michael講，樓下Cambridge House萬寧我地個promoter唔係好掂；Michael扮客行埋去哄吓個維他命section，個promoter不單無撲埋去sale佢，仲彈開添。
好，我地食完晏，同Daisy落去玩放蛇。

我不停咁響佢面前掩攘，又拎起Doctor's Choice, 康鈣C睇左好耐佢都唔敢行埋黎。正當我有少少火都黎埋既時候，Daisy一拎起枝Centrum佢就一個箭步撲埋去同佢講解左成5分鐘。Daisy走後，我都仲hea左一陣佢都唔埋我身，唔通我既殺氣真係咁勁？

事後返上去檢討，Daisy話佢應該係認得我；因為佢一路講解時，對眼不時梢住我。

弊，唔怪之得條女有ｄ熟口熟面，可能我之前用英文interview過佢自己又唔記得.........衰左添！