又導多件

繼兩星期前成功地導Damon中「死亡筆記」毒之後，Annie拿拿臨問我成套漫畫借左去；想一口氣煲晒至入戲院睇。兩年前剛出既時候，我借佢睇過頭兩本；到喉唔到肺。佢一早就話要等出晒時一次過睇至過引。


飯後約佢去樓下Starbucks隊杯啡，食件Strawberry Lamington + Eclair。

Annie份日本銀行工，呢兩個禮拜由reception位調入裡面。ｄ人唔友善不特只，淨係識掟野落去比佢，又唔教佢做。我諗佢成世人都未試過有呢個禮拜返工咁難挨。

又係一個為份工呻到樹葉都落既女人。