日本沉沒

一個字：廢!

同Ebby兩條女去UA皇室睇7:20pm。

都預左係類似The Day After Tommorrow式既虛構災難片。但實情係，災難既反而係我同Ebby囉。

大佬，一話預計日本會喺一年內沉沒，就突然火山爆發，地震海嘯；好似誓要一個星期內摧毀日本咁。邊有可能咁急轉直下架？大城市都淹沒晒，大阪GLICO同東京渋谷109都沉晒落水底，仲懶搏命救乜鬼呀？

做代理總理既女人，劫後例牌出黎安撫ｄ市民。但最趣既係，底下人人都蓬頭垢面，呢位仁姐可以仍然著晒套裝，化行裝set行頭.....簡直可以列入沉沒號劫既最大疑團之一。

不過中段竟然意外地有笑位：

男女主角喺萬天火山灰下擁吻；然後竟然響個帳幕裡面：

女竟然叫個男既攪佢!!(大姐，唔係咁喝呀？)呢d咁既時勢，唔救人都自己走啦，邊係攪野既時候呀？

男既一面眼淚咁拒絕左；女既竟然仲要問：點解？!!!

全院忍唔住狂笑(其實我諗呢段本來唔suppose好笑既)

好彩Ebby有贈券，否則真係劃凳都似!