會上引既魚旦粉

Daisy & Debbie兩條女上星期有3日都去海光街尾轉彎條巷仔內，一間叫"成記"食魚蛋粉。佢地講到好似每日都心思思想再去食咁，真係以為老板落左藥會一食上引添。

見講到咁神奇，今日跟埋去見識到底碗野有幾利害。

其實同車仔麵無乜分別，不過係價錢平ｄ同配料選擇多ｄ。Daisy姐碗加左紫菜，整整成碗都比厚厚既紫菜覆蓋，有ｄ恐怖。唔係佢地講得咁大碗啫；下午我同Debbie仲各自要隊多個豬仔包添。

尋晚囉黎衰成4點多至訓，整日屬於半個靈魂出竅狀態。今晚真係要早ｄ訓，因為鏡中既自己，眼肚同對眼一樣大，加埋星期五晚兩包炸魚皮所引發既粒粒，真係可以用「慘不忍睹」黎形容!