屍牌

尋日講開屍牌，同YY話如果萬聖節我著對涼鞋返工，腳趾上吊住塊小小既屍牌，一定有驚嚇效果，而且仲好鬼型仔添。

(佢已經想唔多理我)

我再自言自語話：我一向都披頭散髮，兼面青唇白，如果再換埋件白袍撻對拖鞋，吊住塊屍牌去醫院入電梯.......

YY終於都忍唔住打斷我：阿姐，你咁玩法，真係心血少d都頂唔住。我一定會望都唔敢望你，心裡面狂唸"時運高，睇唔到，睇唔到"。

哈哈，當我正在暗爽中，佢補多句：你因住玩得大咗，忽然會有"人"過黎問你，"要去邊度排隊呀？"，我睇你點答！

........"LG2，我幫你按啦！"