小楊生煎+冬棗

上海朝早落機還好，入夜真係得13°C；坐響studio裡面都要著外套。

攝影師叫人買左呢度有名既小楊生煎同冬棗比我試。









小楊生煎應該上年同成team同事上黎時，公司外賣過比我地試。外皮煎得香脆，裡面肉汁有成湯匙咁多。決心要減掉最近肥左既幾磅肉既我，都忍唔住整左兩件。

冬棗原來曬乾左就係我地熟悉既紅棗。新鮮既模樣真係第一次見。外表有d似西梅，但咬落勁爽，而且隱約有紅棗既甜味。臨走時LB條女隊左包冬棗比我帶返香港，班同事同梁師奶都有口福喇。