去上海定妝

一大早9am飛上去上海，約左廣告公司LB同攝影師為過兩日既Centrum/Caltrate平面廣告攝影做最後既定妝。

好耐無見既公司司機小林黎機場接，仍然係住番古井Holiday Inn。2pm上到上海office同埋LB既Fenny一齊過去studio。

Centrum要影4張相，而Caltrate就影2張。每張相就算等齊演員，都仲要等佢地化妝set頭，再響鏡頭前試表情。有時一張相d衫同個妝改完又改，攝影師又要求認真，本應係好事，但亦都代表遲遲都收唔到工。由2pm-9:30pm，一步都無離開過studio；好彩佢地中途都有買d點心生果醫肚。









上海d女model真係幾鬼索，拍Centrum既勁似楊恭如，而Caltrate既就對眼大到好似趙薇咁。連飾演更年期既阿嫵都胸前偉大到最少36D，大佬，都成50歲啦，果然係骨格精奇。連我都嘆為觀止。

未埋位呆等既時候，就不停咁同工作人員打牙跤。大半日落黎，都替佢地被我既爛國語虐待而覺得可憐。

返到酒店太夜啦，匆匆響樓下café隊個勁難食既海南雞飯(雞鞋口，菜心未熟+勁鹹味精湯)就仆返上黎check Email。