囍點

呢兩日為左3-Years Strategic Plan做數做到慾仙慾死。難得卡生食晏時發掘到間幾ok，專sell無味精"住家菜"既「囍點」。









位於佢公司，1063King's Rd既背脊；有ｄ似當年「阿二靚湯」既格局。午市套餐$55，有兩款選擇：荷葉籠仔蒸雜錦油麵，或奶油蕃茄焗魚柳飯；再跟粉葛赤小豆眉豆煲唐排，上湯煎餃子，馬蹄露。









個蒸油麵可能因為無乜油，雖然彈牙，但有ｄ黐埋一舊。焗飯雖然飯粒有ｄ硬，但醬汁唔會太滯，味道幾好。

最衰對公司班女黎講，會行得比較遠，如果唔係佢地都應該幾鍾意呢度；份量夠大同食得健康。