氷壁

去年既6集過短篇日劇。因為想今晚還返比奶奶，所以尋日下午開始發力狂煲；哈，一整個weekend既玉木宏。



不得不佩服日本仔拍呢類大場面之逼真。頭兩集攀登既世界第二高峰K2，真係會令人覺得面前睇緊既係海拔8611m，比Mount Everest更險要既高山。

8000米上玉木宏好友既意外墮山，隨之而引發既登山用品財團同主角之間既訴訟，都係令我尋晚挨夜，今日下午放假煲劇既動力(故事有d似「白色巨塔」)。

其實我絕對理解唔到點解人要以身犯險去挑戰高山。比你上到去插枝旗，影張相又如何？萬一遇到山難，會令幾多親友傷心難過？如果有咁多體力無處發洩，不如幫d貧窮地區修橋補路，仲黎得有意義同讓人敬佩啦。