水準一致地"差"既 i Thai

後日出發去台灣，下星期又飛美加，真係5月中之前都無乜幾多日響香港；連聽日生日既臣哥都係陪佢係咁意食餐晏仔，就先會一會Upjohn班女。

本諗住去銅鑼灣食街「香辣屋」，點知裝修左改埋名叫"i Thai"；一樣都屬於King Parrot Group。

雖然門面係靚左，阿二有貴賓卡85折，加埋我東亞卡既飲品"買一送一"優惠，但都食到大家咀藐藐！

牛油雞翼只係成擔油，大頭蝦東蔭公唔夠熱，生魚崧青芒果沙律太過有"咬口"似返炸......學廚神Marinda話齋：呢間野好難品評，真係味味都差不多咁難食！