「全記」 +「滿記」

約埋堂大佬Benny及堂妹Grace，請姑姐到西貢食海鮮。
但凡遊客，食海鮮似乎係指定動作。一入海鮮街，就見到數隻史前海產"鰲"趴晒響地上待宰。

Benny介紹去「全記」 本店，雖然係舊舖，但翻新後內裡裝修一d都唔失禮。門口既巨大海鮮缸好壯觀，比鯉魚門尤甚。

樓高兩層，我地被安排上二樓雅座。
白灼中蝦，豉椒炒聖子，蒜蓉粉絲蒸扇貝，清蒸海班，上湯龍蝦伊麵底，京都肉排，上湯生菜/菜芯；碟頭非常大，圍起都要$600一位。唯獨送既紅豆沙非常唔得，嚴格黎講，係用水溝稀既紅豆湯，淡而無味。
既然甜品咁唔暢快，堂大佬就帶我同姑姐續灘到附近「滿記」食糖水。

一連四間舖，搵位唔太難。因為堂大佬想姑姐試個榴槤班戟，所以我地坐入"榴槤特區"！果皇我就真係無勇氣試，只係叫左簡簡單單既凍合桃露拼杏仁茶。講真都係幾欷，我寧願去YY早兩日介紹既筲箕灣呂仔記。