梁大少被隔離中

佢真係黑仔，下午剛由加拿大返港，因為被照到體溫較高，即時用白車的左入瑪嘉列隔離中心觀察。佢應該只係有少少發燒，家陣美加返黎同墨西哥差不多咁衰，無計啦，安全至上。

難為佢個女友(其實都有幾聲咳)，一個人抬4件大行李返沙田。

隔離病房屬單人，聽佢講頗新淨同有電視(當然如果未來7日要24小時睇無線都幾嘔)；隔住塊玻璃有5個護士睇住一舉一動。我叫佢用手機影低間房，出黎po上facebook；試問有幾多人住過呢度？

梁大少話自己猶如白老鼠般，又照X光又抽血，唯獨係無開特敏福比佢。仲話咁悶，應該叫埋女友入黎一併隔離；低能，有分男女ward架嘛，你當酒店咩!!

雖然佢係好慘，但聽罷都幾好笑。