剛煲完又再翻煲：
愛就宅一起(ToGetHer)

唉，尋晚剛煲完大結局，今晚決定要翻煲。


















要我做出個咁慘痛決定係因為：老翻DVD錄既係中視版本，比起隔離台GTV刪減甚多；初頭都發覺"點解有d recap既場口我從未見過呢？"後來更發現死人中視可以將人地2小時既第12集大結局刪到1小時，實在太太太誇張了吧。

















聽罷Charlotte敘述一d我miss左既畫面，覺得忍無可忍，寧願花時間再由頭睇多次GTV足本，中視實在欺人太甚。

反正故事實在頗sweet：宅女楊丞琳遇上過氣偶像大東，誤打誤撞變同屋主，一個宅女點樣幫大東重拾信心再站上舞台既溫馨小品。故事簡單，節奏明快唔拖泥帶水，而且拍攝畫面頗美。

大東狀態頗掂，身材超流口水，個樣都越來越順眼；臨尾演唱會向宅女當眾示愛，Live大唱片尾曲"默默"，真係超冧!!

PS. 一開始楊丞琳辛苦抬個漫畫人形紙牌回家，好似我當年去環亞個倉抬塊1:1既"魔幻廚房"言承旭鄭秀文紙牌返屋企般，我果然係一個宅"中"女，哇哈哈。