苦命鴛鴦

梁大少雖然尋晚新聞唔見佢，但今日就上左生果報同東方頭版(利害，早知我比件Centrum風褸佢著返加拿大啦)；連佢老細睇到佢坐白車個沮喪樣，都笑爆咀。

















原來尋日一落機經過個體溫測量儀，就馬上有數個警察衝埋去夾住佢探熱，繼而連行李都唔可以提就被"護送"上白車。

初頭去到間病房，連電話都無，無手機響身既梁大少直嚷：都要比我打電話報平安架，家人會以為我失蹤添呀。

簡單既廁所，連沖涼鹼液都無，問護士又話無得提供，要自己屋企人帶去.....報紙欠奉，醫院食物極之難食，但又唔準叫外賣.....大家都係被迫隔離，同維景酒店住客既待遇簡直係天壤之別。佢甚至收到衛生署既信，話如果擅自離開醫院，則觸犯"危害公眾健康"既刑事罪。

最令梁大少激動既係：護士插條軟喉入去鼻孔度抽分泌去化驗時，痛到佢標眼水兼流鼻血。

細佬女友下午去睇私家醫生，人地一知佢剛從加拿大返港就立刻call人去送埋佢"入冊"；真係苦名鴛鴦。

好彩晚飯時，佢地釋放左梁大少(唔記得問佢有無收到海洋公園同狄士呢入場券添)；起碼都可以返去好好休息；雖然可能明天佢都要帶飯去瑪嘉列探女友監，真係風水輪流轉囉。