風月堂

晚上去科學館Health Talk之後，飛的出老銅join阿二及Charlotte，唔食飯都黎個甜品。

呢間風月堂位於銅鑼灣廣場一期後面，對街二樓；平時路過唔多覺眼，原來上到去地方大兼裝修清雅，感覺甚舒服。

侍應都係Y世代，但起碼比「麻布茶房」有禮貌得多。

佢地話晚餐$110份量非常大，抵食。甜品menu亦足足有5頁紙咁多，非常吸引亦到好難選擇。結果揀左"栗子芒果窩夫"($48)，暖栗蓉waffle sandwich，配芒果汁伴碟，栗子同芒果既味道加起上黎有點怪，都係用雪糕會好味D。

但見佢個食品餐牌都頗吸引，選擇又多，下次約奶奶及Connie佢地又多個新竇。