澳門半日遊-酒店篇

上次同奶奶Connie佢地過大海，只係見識過威尼斯人，今次叫做多走訪左幾間酒店，免得自己太過大鄉理。

永利Wynn









門前音樂噴泉，日光日白無乜特色，相信入夜後加埋燈光會出好多

富貴火龍，以為整點有吉祥樹升高既表演，點知原來酒店加插左隻煞氣頗大既火龍黎客串；先黎個地殼冒煙，天花開出個大洞影照火光雄雄。雖然每個人到話吉祥樹好睇好多，但要多等半個鐘先輪到棵金樹出場，決定唔等。









美高梅金殿MGM

奶奶個女既舊公司。雖然門前既金熊貓有點大陸feel，但中庭既意大利風庭園無論採光同樓底，都將威尼斯人既運河商場比下去；唯獨有唔少穿插於意式建築群中既熊貓，有點格格不入。












型仔reception area
新葡京得個俗字，但阿何生將大量古董同價值不菲既收藏擺出黎大堂及走廊展覽，當係參觀一個私人博物館更有價值。

大堂正中，已經有圓明園既馬首像，同埋218卡既D color全美白鑽。