懷舊配備

星期五公司響會展攪X'mas Party，今年多左咁多新同事，應該要筵開40席大場面大製作。

主題係"Old Days"，所以大家都為週五既造型張羅。

數年前買左條灰色b仔連身裙，掛起黎cutting好看，但著上身就好似60年代教師般......老套，正好拿出黎穿一穿。Sinmei幫我響中環買左附"肥肥"式黑框閃石眼鏡配襯，只係未諗掂到時應該set個復古頭定係買個粗身頭箍算數。

另外Sinmei響中環既二手店買到好幾條平靚正復古衫裙，連身裙質地唔錯日本製都係$25條；就算有d可能係故衣都無所謂啦。












其實余經理曾經想扮黃飛鴻年代既人，我提議可以過隔離"大酒店"買壽衣壽鞋著；但佢就面有難色咁話：".....心口真係會有個壽字架喎"，哈哈。