歧視與偏見

晚飯時睇鏗鏘集講香港交換生去北京大學既情況。其中訪問當地學生，點解北大風氣係要上堂預早咁多霸晒前面d位，答案係：因為內地競爭好大，一分之差就可以改變人既一生，好不容易至入到北大；心裡害怕如果唔去霸，到時會唔會無自己份？兩地文化既差異，的確有d香港人以為理所當然既野，對內地人黎講係得來不易。總覺得北京大學，清華大學出黎既學生，要比HKU叻多多聲。

香港人成日自以為是，睇唔起大陸人。當然我都唔鍾意佢地唔排隊，你推我撞既行為。但呢兩年接觸大陸d同事多左，其實大城市如北京上海人既學識水平真係唔弱。開會時又勇於表達意見，反而好多香港人成舊飯咁坐係度，真係比下去架。而且好多大陸同事都仲幾有禮貌添。

比起大陸人，我唔覺得d意大利鬼好得幾多。一樣無禮貌兼爛笪笪。如果唔係佢地靠食老本 (阿公留落黎既建築，藝術品) 同平過外面買既名牌，邊吸引到遊客去架。

我接觸既法國人都唔少。Les Parisiens (巴黎人)就一樣咁自大。除左嘲笑d比利時人講法文慢...到...嘔...之外，我仲曾經聽過個法文老師話：除左住係巴黎既人，其他地方既法國人都係peasants (農民，即鄉下佬)。How bloody snobbish! 超，巴黎人咪又喺一樣咁無公德心。通地都狗屎，係巴黎行街仲危險過伊拉克呀，隨時中地雷。

與其只睇到人地既短處，不如學吓appreciate別人既長處，從中學習。