放假

哈，難得今朝可以訓到9點。鬼叫我呢排掛住追劇咁"早"訓咩，連僅有既少少睡眠時間都要發夢見到李卓人，下次臨訓前都係唔好睇新聞喇。

繼續係屋企享受無所事事既樂趣。下午只係同朋友出左銅鑼灣食漢國菜，落雨濕濕，連街都唔想行就返黎喇。

趁有閒，睇埋隻Rain Concert DVD還返比人。佢咁跳法都可以成場唱live，好野。

平時週末唔覺咁爽，係全世界返工自己可以係屋企過豬一樣既生活至叫放假架嘛。