唱K

放工喺梁師奶度匆匆食ｄ野，陪烏烏玩左一陣，就撲出銅鑼灣信和Neway同Annie唱K。

點解星期一兩條女去唱？因為悶囉。成個下午對住ｄ數字都心不在焉。開住CD入數都集中唔到，反而越來越想唱添。我ｄ即興野，只有Annie或Carmen至頂得我住。

足足唱左４粒鐘，基本上我都無點放低支咪，只用換碟既時間食野。原來我都幾好氣。因為好耐無唱K, 好多都係第一次唱：浮誇，葡萄成熟時，好人，天才與白痴，天之驕女等等........

梁靜茹既中間簡直好似愛情合約既MV咁，滿滿既賀小美同林依晨。














Shall We Talk 國語版原來有提大安公園架，而且個詞同廣東話版好貼近，保留番首歌既神絮。

杜德偉既嫁給我令人諗起Jacqueline 既Email：台北最近有一個男人求婚，包起間戲院，騙女友話去睇戲；一開場就放影佢地由相識一路拍拖既片段。原來周圍ｄ觀眾係雙方親戚，特地黎見證呢次求婚。男人仲請到杜德偉黎唱呢首情歌向女友表白。結果？女方當然喊晒啦。

有無唱葉子？嘻嘻，梗有啦。

咁樣唱左一晚，個人都好似無咁鬱悶。