懷舊鐵版，配梳打牛柳

同奶奶，阿丁& Annie去好耐都無幫襯既金百利花園餐廳食飯。

我一聽到地點，第一件事就係想食呢個鐵班牛柳。明知ｄ牛都係落勁梳打粉，但重點唔係塊牛柳既質數，而係塊細細個就成日見，家陣買少見少既牛型鐵版！

花園餐廳ｄ食物水準你都唔好期望太高。塊牛柳"哪"到好諗，但毫無牛味。服務態度亦都晦氣。難怪假期前夕間餐廳都唔滿啦。

Annie為左要聽得到阿Van新碟既歌詞，去深圳連韓文自學既書都買左幾本；真係服鬼左佢。由最基本發音，到要明白首歌唱乜，人地真係上堂去學韓文都可能要好幾年啦。我都無諗過為KAT-TUN去惡補自己既爛日文。真係好懷疑，呢類書可以教到ｄ乜。

久違既花園餐廳，又可以隔好一大排至會考慮再黎囉。