Encore 6人餐
今晚可能太多人出街食飯兼睇波，周圍都好難book位。結果同3位廖太去左迎囍樓上既稻香。估唔到，又係叫同樓下同一個6人餐!! 呢個星期第二次食呢個餐，今次仲堅，係4條女挑戰6人餐!! 不過呢個都未係嚇人，更嚇人既係：我後日同親戚都係去迎囍，應該都仲係呢個餐。好似食藥咁，一星期3次，每次同一劑!

一坐低就收到奶奶買比我，至愛既統一美研社玫瑰茶!!原來City Super做緊台灣節，只係運左少量過黎賣。今年內都應該唔會過台灣架啦，真係要留番慢慢飲。多謝奶奶!!

D餸出得好鬼快，都未飲完個湯，就連甜品既脆麻花都上埋！唔係我喝住條女，佢都未必會收番入去廚房先。廖太既食量一向都唔弱，越兩級挑戰，只係淨返半隻燒鵝同半碟荷葉飯。


食埋下星期二既私房菜，都係要節制一吓。唔係變第二個胡杏兒就大大煲喇。