親戚 - 6人餐終極一擊














住喺San Diego既堂家姐Elsie一家，同埋住三藩市既二伯娘返黎一個星期。叫埋香港一隻手掌數得晒既親戚：堂大佬Benny&堂妹Grace，當然仲有梁師奶，再去人傑地靈既迎囍，再叫呢個見到都厭既6人餐x2。

上次Elsie返黎時，係2004年聖誕，我忙住出入醫院，都係響醫院見過佢一次；當時邊有心情同佢傾偈丫。堂大嫂Cherry又岩岩走左，我諗佢上次返黎，都無想過會一次過參加Cherry既喪禮同見我Daddy最後一面咁大鑊。一年半後大家再坐埋一齊，雖然大家都無提，不過都有少少感觸架。

細個d長輩仲喺度時，同佢地會見多ｄ。而家除左偶然會撞到太古坊返工既堂大佬Benny外，真係連拜山到見唔到。