百力枝又有新攪作

家陣Circle K入日本零食一d都唔輸蝕既「零食物語」同Sogo。比我發現佢搶先推出呢兩款新出既芝士味同生果味百力枝。前者有10% 芝士加燕麥，後者更有20%３種生果。

我勁鍾情固力果既Pocky同百力枝，因為除左唔同地區限定版(如大板既燒墨丸味，北海道T字蜜瓜味，九州明太子味，北京既填鴨味，同加拿大楓樹糖漿味.....)，季節限定版(冬天既谷古粉味，夏天既菠蘿味同椰子味)，玩華麗既Decor系列之外，佢地仲可以用呢條餅乾條發揮無限創意！

如果佢地有個fans信箱，收集我地想試既新口味，相信我一定會個個禮拜投稿囉。