壽宴

認識左好耐，住樂富既林auntie今日喺榕江擺壽酒。以前一支公初初返黎香港時，過年過節都會叫我過去做節。而家梁師奶返左黎，都少左去樂富囉。自年初一拜年之後都無見過。

佢地一家人，個個都係加大碼。拍埋去真係少有地覺得自己瘦。連我個11歲既契女巢樂言都有成160磅咁誇張。仲有最嚇人係佢ｄ肉係實既，都唔知可以點減！

7點半去到，都坐到9點多至開席。因為榕江個大廚係熟人，所以樣樣都係加大碼兼有好幾味係餐牌上唔會有既花功夫菜式。甜品有賣相好得意既蘿蔔仔(裡面係芝麻花生餡)，同我成日話要試，藏左好多壽包仔喺裡面既巨型壽包！

原來佢地潮州人叫"潮州Pizza"既糖醋麵，如果係壽宴既菜式，係萬萬唔可以切開上。大吉利是架。另一個誤解係糖醋麵唔同兩面黃。前者係用鑊慢慢西，好考功夫。後者只係用油炸，所以會油好多。

呢排真係食到有d驚。