失魂阿Pan

以前公司個大秘書Pandora。自從舊老細被dun阿Paul上場後，3年多前第一次內部改組就轉左行做Manulife經紀。

估唔到做左咁多年秘書既佢，而家做經紀好似非常享受新既exposure；而且仲勁忙添。約佢食飯，好多時唔係約左客就要去上堂。就算食到都會需要早走趕下一場。

因為最近約親都甩底，為左以示佢既誠意，今日特地開完早會由銅鑼灣過黎，同我地落樓下彩雲軒飲茶。

最好笑係上次年頭去迎囍，漏左銀包喺公司櫃桶；今日仲連個散祇包都留低左！結果Martha下晝落去幫佢認領返。

以前做大秘書時唔覺佢咁大頭蝦喎。 不過以前個division有19人時分工細ｄ，唔係好似而家8丁友咁，一人分飾幾角，做萬能阿四。