奶奶壽宴

地點一d都唔難估，係上blog率勁高既「皇室堡迎囍」。

本來諗住放工趕返去換返條吊帶，應酬埋班廖太就可以收檔。點知一整日都無滴雨，無啦啦六點半時倒水一樣。哈(暗自歡喜)，整定今日唔駛咁趕，可以做多半個鐘marketing plan。總之有拖無欠啦，如果下次食飯唔落雨一定著！

8條女，黎個6人餐加4人餐。都慣左越級挑戰架啦。比起尋晚餐「把鬼海鮮」，今晚有水準好多。你有乜辦法唔向迎囍屈服？

奶奶早兩日剛由東京返黎。本來此行既目的，言生嗰兩場見面會，變左做配菜；反而第三晚睇既SMAP演唱會，先至係奶奶既主菜。6萬人既場館，Johnnys事務所一貫既製作華麗認真......唔只坐係第二行貴賓席既奶奶睇得投入，連場外都聚集左Ｎ咁多個撲唔到飛，但寧願企響外面齋聽晒成個concert既女粉絲。

好想去見識吓。唔係為木村，而係香港根本唔會肯花咁多心思同製作費。