千祈咪去









灣仔大有對面內街既「輝記」一向以賣靚海鮮出名；好多時都見ｄ貴車停響度，比ｄ工人落黎買海鮮。

Miranda上次話地鐵站莊士頓道橫街既「葫蘆館」後邊，「輝記」開左間飯店，照計食海鮮應該幾正。好，襯9月份Suki姐生日，同班Upjohn舊同事去試試佢。

哇，ｄ超迷你版既黃金蝦，隻隻蝦只比蝦米大少少，似食殼多過食肉。
碟蝦醬炸雞件，完全肯德基feel，燶既指數十足，但又唔夠肯德雞惹味。
豉椒炒蜆，Carmen & Mion都話自己屋企一定炒得入味過佢；我唔識煮，所以no comment。

好少生日宴會食得咁唔盡興，連佢地送既蕃薯糖水都唔要，早ｄ埋單過隔離「葫蘆館」整碗杏仁薑汁撞奶；反而大家仲傾得高興。

雖然Marinda(響中環ｄinvestment company做大秘書)因為呢排日日OT而臨時甩底，但真係無損失。

兜兜轉轉，始終都係向迎囍屈服。