惠氏版「美女廚房」

Finance/IS/Admin整個department一行十多人剛去左桂林同大陸office開會，兼玩左兩日上山下海既team building......

今日返番工既YY姐，晨早就打電話黎報料到底玩得有幾癲：比80分鐘你，戶外煲雞湯！

材料係原隻連毛連內臟既雞屍，兼要ｄ同事跑上山要過關至有既調味料！哇，大陸ｄ同事就玩得過引，一向缺乏運動既香港人，簡直跑到面都青。

用火機撻石油氣爐，已經唔係我地呢ｄ用開煤氣爐既人容易掌握到。斬雞頭，掹雞毛同清內臟......佢地話如果我在場，一定爭住做！

首日上完山，第二日仲去漓江邊山溪，泵江水上黎打水戰！(江水都好污糟喎)成班同事連內衣都盡濕，阿肥仔哥Eric (finance manager)仲成個人跌埋落水添。

佢地奶粉嗰邊一向都玩得好大。上年仲去澳門，要ｄ同事由14樓游繩落黎(Objective of this game was: overcome your limit)。哇，大佬，做西藥啫，唔係考飛虎隊喎。