ICHIRO

剛煲完「宮」，終於都回歸日劇開左套問奶奶借既「古畑任三郎 - 2006新春特別版」。呢套係日本長壽既偵探劇，每個單元殺人事件，都會最終由一位"懶有型"既伯父偵破。

今次第二個單元竟然扮演凶手既係知名棒球員Ichiro!!

好少見真正運動員會客串電視劇，香港既方力申就同人地既知名度差好多皮啦。Ichiro同中田英壽一樣，都係海外知名度極高既日本運動員。而且另一個共通點：就係我覺得佢地兩個都好鬼型仔!!

中田家陣去意大利踢波，而Ichiro就響西雅圖為日本爭光。唔知幾時論到Nakata溝少陣女，返老家客串套日劇呢？