老銅小肥羊

9:30pm約左卡生同佢朋友Andrew去老銅小肥羊"烚吓烚吓"。Andrew喺澳門返工，經卡生介紹，早前都變左呢個blog既忠實粉絲。









今次多個人多把口，叫起野食黎都容易ｄ。雖然羊肉片同麻辣鴛鴦鍋點都係主打，經過上次既教訓之後，寧願留返ｄ位去試其他野。"手唧羊肉麵"就係其中一樣新嚐試。因為羊肉比魚肉更實更難唧，力度要掌握得宜，否則好容易會唧爆個袋。Andrew第一次唧時，未到一半已經係咁情況，正當我地以為羊麵會變羊滑之際，部長姐姐就好好人幫我地換左碟新既。

老銅間小肥羊比起旺角店坐得迫好多。但由9:30pm人頭湧湧等晒位，唔到1am就得番小貓幾枱，要叫last order(雖然間店本身話自己開到3am)。星期六晚ｄ人咁早散？