9T3飯局

雖然尋日先見過Connie & Annie，但基於佢地既多種身份，今晚既藥劑9T3飯局都仍然見到"藥劑3小花"，哇哈哈。

時代廣場小南國，7pm。

臨上去前，樓下路過撈埋勁扮仔仔既英皇新人洪卓立添；粉絲唔算多，睇怕1/3係我呢d路人甲。

同場加影既，係轉左一個月工，家陣樓下撞唔到既Gigi，同大半年無見既Cedric。兩家有小朋友一聚頭，上半場佢地還安安份份各自食飯，下半場就聚埋一齊半玩半扭。Gigi一眼關3個，犀利!!

由我發板，結果多到張10人枱都擺唔晒：素鵝，野菌湯麵，陽春麵，心太軟，麻婆豆腐石頭飯，霽菜炒年糕，生煎包，霽菜墨魚，醬油牛筋，霽菜百葉卷，清燉獅子頭，小唐菜麵筋煲，蕃茄百葉白菜.......東亞卡最後送埋花生酥/合桃酥做甜品。

秋天如果入Dave屋企BBQ，d細路一定玩到傻。