天使與魔鬼 (Angels & Demons)

讀呢本小說已經係幾年前，繼Da Vinci Code之後，用同一個角色既前傳；覺得比"達文西密碼"更緊湊，當年真係睇到唔願放低本書架。

所以對呢套戲都幾期望，未上畫就已經網上訂左飛，同Ebby去UA時代廣場睇10:10pm。

比起上一套改編電影，Angels & Demons叫做比較無悶場；兩個多小時個flow都好快。

咁亦道出左其弊病：刪減左好多。Tom Hanks同女主角點樣解開光明會(一個中世紀被當時天主教迫到變地下組織，其成員不乏有名既科學家)用symmetric字體玩既謎題。由一個地標，點樣得知下一個地標既交待欠奉，救人顯得太輕易。

Tom Hanks老到面皮鬆弛都預左，但呢套野佢無啦啦變大茄，主角應該係演教皇內侍既英國靚佬Ewan McGregor；個所謂既女主角更加係行行企企，閒角一名。

都係小說精彩數倍，期待作者Dan Brown 9月將出既新書，亦都係用Robert Langdon做主角既"The Lost Symbol"。