Food Expo

食品展既首日，只係開放比參展商，buyers，同某些團體。我地第一年參加呢個event，只係租用一個standard booth，簡單地佈置幾面牆就膽粗粗學人開檔。過去幾年工展會反應都唔錯，希望今次人流一樣超旺既Food Expo都可以交張漂亮成績表。









朝早10am就第一時間落去睇睇個Booth，順便假工濟私地周圍巡一吓。

一如以往，都係出前一丁，壽桃牌，同珍等幾個好大品牌勁搶眼；同珍甚至買$100醬油套裝送手拉買餸車，犀利。









我就被出前一丁既靚靚環保袋吸引，自掏腰包花$70買一袋12包雜錦麵(計落都唔平，而且返到去到係孝敬班同事，自己只分到一包)，多送一條清仔毛巾。另有唔少之前做promotion剩下既gimmicks出售，本想買個索價$300既清仔紅色細喼，但唔夠現金佢又唔收卡既情況下，慳番。









樓上三樓另一供海外參展商既展覽館就清靜得多；相連既茶葉博覽更加人流疏落。比較有趣既係其中有日本師傅即場示範點整Hello Kitty面譜既傳統糖果。

是日另一戰利品：Freezed-Dried Peach/Strawberry ($50/5包)另送草莓環保袋。