想入飛飛@澳門

第一次睇飛輪海concert，因為之前香港首站時我未"邂逅"Mars(「愛就宅一起」，大東的角色)；唯有過大海兼挨貴飛($980，有夠貴吧)。不過貴得黎，側台第一行(撇開地下幾行既VIP飛)，所以四個既帥樣都清清楚楚，而且前面無遮檔，真係要多得Charlotte幫我地撲到好位。

威尼斯人內的金光綜藝館，場地唔差，睇到夜一夜都有酒店shuttle送我地去碼頭，所以即日來回都無難度。

阿二超high，吳尊大東向佢個方向一揮手，就興奮到跳跳紮，是晚我唔少鬆郁朦既相片，都係多得佢。

每人既個人環節各有不同：辰亦儒的人肉拍子機，大東晒電子結他大唱"自由"，炎亞侖的鋼琴自彈自唱，同吳尊的太鼓。

佢地偶然將自己飲過兩啖既樽裝水洒落台下，然後飛埋個空樽落去，相信如果唔係我地前面有條鐵欄，阿二一定衝上去受"聖水"洗禮兼搶樽。

兩個半小時既show，大東超帥，high到爆。唯一美中不足就係無唱"默默"，希望台灣小巨蛋會唱埋啦。